‍વિદ્યાર્થીઓની વેદના

 

શાળાએ અમને બોલાવો સાહેબ...!

આ ઓનલાઇન ભણવું, હવે નથી ગમતું.

 

નથી અમારા ઘેર, ટી.વી. કે મોબાઈલ,

રોજ પડોશમાં જાવું, હવે નથી ગમતું.

 

ન પ્રાર્થના,ન ભજન ,ન રિસેસ, ન રમત,

ખાલી પુસ્તક પચાવવું ,હવે નથી ગમતું.

 

ગણિતમાં અમે, ઘણા ગોટાળે ચડીએ,

અધવચ્ચે ફસાવું, હવે નથી ગમતું.

 

તમારા મુખેથી, સાંભળવી છે કવિતા,

રોજ બીજાનું ગાવું, હવે નથી ગમતું.

 

નકશામાં જોયું, ન કશામાં જોયું તોય,

આ જંગલ, આ ટાપુ, હવે નથી ગમતું.

 

આ ઈંગ્લીશનું ગ્રામર, આ વિજ્ઞાનનો પ્રયોગ,

આ સંસ્કૃત ગોખાવવું, હવે નથી ગમતું.

 

શાળાએ અમને બોલાવો સાહેબ...!

આ સોટી વિના ભણવું, હવે નથી ગમતું.

 

# અજ્ઞાત સર્જકનો આભાર